標題:
歐洲之旅 - 自由行
發問:
Hi...我打算一個人去歐洲自由行一個月(Backpack)八月尾出發, 已買機票^^ (HK>London &... 顯示更多 Hi...我打算一個人去歐洲自由行一個月(Backpack) 八月尾出發, 已買機票^^ (HK>London & Paris>HK) 首站-倫敦(8-10Day)>巴黎(4-6Day)>柏林(4-6Day)>慕尼黑(4-6Day)>巴黎(2-4Day) 由於我想參加啤酒節,所以先咁樣安排,可以嗎? 如果我咁安排,係咪搭火車好?搭飛機係咪平啲呢? 如果搭火車有乜火車証適合我用?係邊度買? 我會去好多博物館同藝術館,各國有乜Pass可以岩我用? 去到歐洲有咩特別的景點係必去既? 一個人Backpack自由行有乜要注意? 一個月,大約要用幾多HKD? 仲有啲咩我係需要知道注意? 我對歐遊完全無經驗,一概不知道~ 所以所有的東西細節我都需要知道的~ 希望大家唔好只係比個Website我~ Many Thanks! 麻楨大家了~
最佳解答:
你一個人backpack去啤酒節? 我諗你係男仔啊可?除左倫敦落巴黎搭 Eurostar, 其他搭sleeping train就得. 既然你都係backpacker, 響火車訓一晚仲可以節省一晚房租. 至於飛機, 應該價錢分別唔大wor, 分分鐘搭火車仲平d添! 因為如果搭平價飛機, 通常會響d比較細/近郊既機場, 咁市區去近郊都要車程, 加上燃油附加費, 未必一定著數.你係25歲以下/學生? 你都唔係好多轉車姐.. 買個火車證又唔係平, 睇你買邊一隻, 大概都HKD 200以上, 又唔係所有火車都有得平, 火車證未必一定抵! 你可以上官方網睇, 有d可以響香港上網訂定, 或者去到當地先買. 學聯旅行社都好似有得賣, 你可以去問問.博物館可以買sight-seeing pass (英國)或museum pass(法國), 兩者都按日數計算. 其實英國好多大既博物館都免費 , e.g. Natural history museum, British museum, National art gallery, Victoria & Albert museum, Royal air force museum, etc. 如果你係喜歡藝術, 以上既博物館已經夠你行好多日. 呢個Sightseeing pass唔淨係museum, 仲包左好多景點, e.g. London bridge, London tower, St Paul’s Cathedral, Thames river cruise, etc www.londonpass.com/ 法國的話, 好似Louvre咁每個月第一個星期日免費入場 , 如果時間夾到, 又可以慳返d. www.parismuseumpass.fr/ 建議你最好plan定想去邊, 睇乜, 大概時間/路程. 然後先決定需唔需要pass, 或者買幾日既pass. 因為d pass唔平, 如果唔用到盡就唔抵!!英國/倫敦:Westminster district – Big Ben大笨鐘, London Eye, Parliament國會大廈, Westminster西敏寺大教堂, Thames River; Greenwich格林威治; Buckingham Palace白金漢宮衛隊交接; 睇musical, e.g. Phantom of the Opera, Love never dies, Avenue Q; 行免費museum; Harrods就算唔買野都要行下, 埃及風格, 裡面真係好靚; Oxford street好似香港廣東道咁, 行百貨公司睇名牌; Convert Garden潮流後生仔地方; 如果有budget就去high tea, 話哂英國人發明high tea, 既然去到英國就試試. 最出名既大酒店high tea都full booking架, 建議你早d上網定位; China town (地鐵Piccadilly circus站) ; Portobello market , Notting Hill電影摘星奇緣取景地方. 跳蚤市場逢星期六開, 好多攤檔, 尤其係古玩銀器, 雖然唔平, 但話哂全歐洲最大跳蚤市場, 值得一去, London Bridge咁出名，加上London Tower建築特別, 有時間就去啦; 既然你8-10日響英國, Stonehenge 巨石陣雖然遠d, 但難得去到英國, 世界奇觀, 都好值得睇；8-10日當中抽時間去1-2個地方啦, e.g. Oxford, 參觀教堂/大學, 仲有outlet – Bicester Village, Cambridge (參觀學校, 感受下氣氛), Bath, Manchester足球朝聖, Lake district. 呢幾個地方可以即日來回倫敦.巴黎:Louvre 羅浮宮; 聖母院+鐘樓; 凡爾賽宮; 鐵塔(記得先上網買飛, 否則排好耐隊); 聖心堂Basilique du Sacré-C?ur; 香榭麗舍大道; La Fayette; 如果有興趣, 可以去埋Disney; 一個人backpack自由行要注意安全! 通常backpacker都budget有限, 我覺得安全問題要注意囉! 例如, 一個人住hostel, 要小心, 因為好多人出入, 又唔知同房咩人; 另外, 成日要背住個背囊周圍走, 又行唔少路, 一對好既鞋好重要! 另外, 帶定平安葯, 安美露, 一個人出外, 萬一水土不服病就好慘. 2010-07-14 15:32:23 補充： Kerrie_2 講得岩! 自由行+backpacker自己做資料搜集好重要!! 開口問人未必係最全面, 最合你心水. 既然你乜idea都無, 去書局買本歐遊書, 睇下你要去既地方既資料/景點. 或者上網都可以揾到好多資料! 做好功課先可以玩得開心, 否則盞side機票錢! 一個月歐洲, 就算backpack最平都要3萬. 歐遊最貴係住宿! 交通其次, 食就豐儉由人, 你可以餐餐捱麵包.
其他解答:
此文章來自奇摩知識+如有不便請留言告知
自遊行嘅人一般唔會在 Yahoo 好詳細咁【答】一個人嘅問題， 因為佢要好細心搜集資料， 去自己喜歡去嘅地方， 睇自己喜歡睇嘅野， 食自己喜歡嘅食物。佢地去完旅行， 會在旅遊網上寫遊記， 寫下自己去過邊度， 住過邊度， 有乜野好食， 有乜野好玩，用佢地嘅經驗去幫好多想去自遊行嘅人。 同時佢地去完一個地方， 就要做準備去第度。 我去日本， 歐洲， 南美， 北美都係去各旅遊網站找資料。 如果你唔想有人俾網站你， 你就到上面嘅搜尋欄打【 歐洲自遊行】都應該搵到你想知嘅野。
留言列表
