有關班級旅行，可以去哪裡較適合？－香港特色景點

標題:

有關班級旅行，可以去哪裡較適合？

發問:

中學的班級旅行，有甚麼地點值得推介？要男女皆宜，好玩的~ 不希望同學會感到沉悶!!! 每個地點請略略介紹。

最佳解答:

其實可以考慮去參加day camp的, 上午玩集體遊戲, 下午lunch後自由活動時可因應同學唔同既興趣各自參與一D戶外活動. 以下既營地我都去過及唔錯, 你可以考慮一下: 首選: 香港青年協會賽馬會西貢戶外訓練營地址：西貢大網仔路256地段電話： 27922727 P.S.: 好好玩, 可以分組集體玩爬高牆及合作札木伐出海, 而且營地會提供教練全程作出指導. 這些遊戲可以訓練同學的膽量及合作性.次選: 保良局北潭涌度假營地址：西貢北潭涌電話： 27924302 由於入營每個人要比大約100-150元既費用, 未必每個同學都能負擔, 另外旺季好難BOOK的. 所有如果唔去DAY CAMP, 可以考慮去長洲: 食野方面: 1. 正生樂滿堂 Joyful Palace.....PUZZA+蜜糖雞翼+炸雞勁好食......入到長洲一定要試. 地址 : 長洲大新海傍路117號地下電話: 2981 6279 2. 下午茶去得得店食(佢有2間分店的, 都係位於同一條街. 碼頭再落一條街就係). 特別推介係: 焗奶油長法飽及焗蒜蓉長法飽. 3. 晚飯可以去瑪頭近街市果邊的鋪頭食海鮮. 4. 晚飯後去昇記食糖水 5. 小食: 甘永泰的魚旦及蟹丸好好味的. (甘永泰位置: 碼頭直入會見到百佳的, 左手邊便會見到甘永泰) 6. 東灣附近有間新照記, 主要係食糕點的. eg.: 紅豆糕, 馬蹄糕....等 7. 每晚11時後, 碼頭果條街會有流動小販售買不同的小食. 佢地會提供埋檯及椅子比你慢慢享用. 你可以在晚上10時55分在碼頭一帶等候, 到了11時食環署D小販隊收左工後, D小販便會推住車仔從四方八面而至, 場面相當墟陷. 長洲行程 1 長洲碼頭→北帝廟→長洲消防局→製冰廠→長貴路→桂濤花園→長北路→觀景亭→大貴灣新村→北帝廟長洲行程 2 北帝廟→東灣海灘→滑浪風帆紀念公園→東灣石刻→觀音灣→關公忠義亭長洲行程 3 西灣天后廟→張保仔洞→五行石→白鰽灣→思親亭→眾樂園→天福亭→關公忠義亭→東灣海灘 2010-09-03 11:41:53 補充：如果你地選擇左去港青年協會賽馬會西貢戶外訓練營玩合作札木伐出海時會有救生衣穿上, 但會濕身的, 一定要提同學帶雨褸or一套衫去替換, 亦請帶洗頭水及淋浴露去, 玩木伐附近提供浴室沖涼的, but我係5年前去, 唔知道有沒有變, 去之前要pre camp考察一下環境.