香港有咩旅遊地方好－香港特色景點

標題:

香港有咩旅遊地方好

發問:

我有份英文功課個題目:係講我有個朋友最近黎香港旅行,要帶佢去一些有香港特色的地方,分別早午晚要有3個地方同要帶佢食早餐同午餐,但全都要有特色,因為佢第一次黎香港同佢鍾意接觸大自然的同埋想了解更多香港的文化,而且係值得去的,(要中英對照)

最佳解答:

英文我就唔係好叻, 不過我對香港本土文化都好有興趣, 都想試下幫你:-) (內文既英文都可以參考英文版既wiki) 講起香港既特色食肆真係非大排檔 (dai pai dong) 同冰室莫屬。大排檔其實食既野以簡單為主, 例如普通既餐蛋麵之類, 最有特色既飲品係絲襪奶茶 (Hong Kong-style milk tea), 所以我會建議你去香島區既大排檔食早餐。冰室其實係香港而家既茶餐廳既始祖, 佢地係表現出幾十年前當時既社會既風貌。不過如果你要食lunch的話, 建議講下座落於廟街既美都餐室, 開左幾十年, 因為其裝橫仲係保持住幾十年前既風味, 所以好多人都會特登去個度感受香港惜日情懷。香港有好多不同的文化, 每個旅行既人都要想感受唔同既野。所以我會用我既角度講少少... 旺角 - 旺角係現香港文化最強的地方, 外國人會鍾意去女人街買平野, 不過香港年輕人去旺角好多時都係去信和個d地方睇格仔鋪or水貨店, 又可以夾糖食, 又可以掃街or食撈撈, 不過依d要英文形容得到先得尖沙咀 - 聽過重慶大廈嗎? 我可以說外國人一定會去既地方, 偏偏個度就冇乜香港人去的, 去都係食咖哩。其實重慶大廈係世界都好出名, 係backpacker既集中地, 入面有曬全港最平既guesthouse, 所以吸引好多backpacker。重慶大廈係印巴人既地方, 我認為香港其中一個特色係印巴人同香港人都可以和平共存。大自然可以去望夫石丫, 因為上去都要行一段山路, 又唔會好長, 上到可以睇曬成個沙田, 都唔錯! 香港既沙灘就麻麻地啦, 不過我建議講下東平洲, 因為個度既頁岩其實係好珍貴的, 唔係好多地方有, 而且個度既海水好清, 成日都見到海膽! 當然你都可以講下海洋公園同迪士尼, 不過依d大路既野, 同你去深圳歡樂谷or東京迪士尼有咩分別呢? 希望可以幫到你:-)

其他解答: